Kombëtarja e Argjentinës, kampione e botës, të enjten do të luajë miqësoren kundër Australisë në stadiumin e Punëtorëve në Pekin. Sfidë magjepsëse dhe tifozët e fenomenit Albiceleste, Lionel Messi, e kanë pritur prej disa kohësh. Megjithatë, pas mbërritjes së tij në territorin kinez, Pleshtit iu desh të përballej me një episod aspak të këndshëm.
Leo Messi kishte mbërritur me avionin e tij privat së bashku me truprojat e tij dhe disa miq. Me të ishte edhe ish-juventini Angel Di Maria. Në Pekin, Messi do të bashkohej me shokët e tij të skuadrës, për miqësoren me Australinë të enjten. Me mbërritjen e tij në aeroport, megjithatë, gjërat nuk shkuan tamam mirë. Pleshti në fakt u ndalua nga policia kufitare kineze dhe u mbajt për dy orë. Arsyeja? Probleme me pasaportën.
Lexo më tej: “Nuk kthehem te Barcelona”, Messi sqaron të ardhmen e shemb aludimet: “Do shkoj te Inter Miami”
ÇËSHTJE PASAPORTE
Sapo zbarkoi në aeroportin ndërkombëtar të Pekinit, Messi u bllokua nga agjentët e kufirit kinez. Ngjarjen e dëshmojnë disa foto të shfaqura në rrjete sociale, ku sulmuesi i ri i Inter Miami mban në dorë pasaportën e tij. E është pikërisht dokumenti i udhëtimit shkaku i problemeve. Pleshti kërkonte të hynte në Kinë duke përdorur atë spanjolle në vend të asaj argjentinase. Pasi kishte hyrë në Tajvan me të njëjtën pasaportë, ish-kampioni i PSG-së ishte i sigurt se ishte e vlefshme edhe për hyrjen në Kinë: “Tajvani nuk është Kina?”, i ka pyetur ai agjentët. Jo tamam…
Siç u përmend, pas dy orësh ndalim, agjentët më pas i dhanë sulmuesit aprovimin për hyrjen në vend.
世界杯冠军阿根廷 中国行。
梅西有两本护照，一个阿根廷，一个西班牙。阿根廷护照是免签的，但是梅西没带，西班牙护照没有中国签证 ，于是梅西被边控了，有点儿懵。 pic.twitter.com/ckbRLoBT56
— iPaul🇨🇦🇺🇦 (@iPaulCanada) June 10, 2023