Mediat greke kanë publikuar dy materiale audio që tregojnë më shumë për ankthin e refugjatëve që ndodheshin në bordin e anijes fatale të peshkimit që u mbyt në brigjet e Pylos. Të paktën 78 persona janë konfirmuar si të mbytur, por shumë janë të zhdukur pasi mendohet se varka mbante 750 persona me vete. 11 egjiptianë janë arrestuar si organizatorë të trafikut të klandestinëve.
“Protothema” ka publikuar bisedat audio të bëra pak minuta para mbytjes së anijes nga aktivistja Nawal Sufi. Ajo arriti të kontaktojë një nga refugjatët në bordin e anijes së peshkimit. Regjistrimet janë bërë nga ora 01:25 deri në 01:52 të mëngjesit të së mërkurës.
Biseda e parë
Aktivistja: Gjithçka do të jetë mirë. Mos shkoni majtas apo djathtas, prisni atje derisa të vijë ndihma.
Pasagjeri: Nuk duam që anija të përmbyset.
Aktivistja: Varka do të vijë t’ju sjellë ujë, por kujdes nëse shkoni të gjithë në një anë, varka do të përmbyset.
Biseda e dytë
Në audion e dytë, një nga refugjatët i thotë aktivistes se një nga bashkudhëtarët e tij po flet për njerëz të vdekur.
Refugjati: Një burrë nga varka ime, thotë se kanë vdekur 6 persona.
Aktivistja: 6 personat janë të moshuar apo foshnja?
Refugjati: Nuk e di.
Aktivistja: Mirë. Oh Zoti im. Më lejoni të flas me guvernatorin. Ata duhet të qetësohen, jo të shpejtojnë sepse varka do të ngadalësohet. Unë dua nga ju të më njoftoni se çfarë po ndodh. Më dërgoni një mesazh ose më telefononi.
Gjatë të njëjtit komunikim, gruaja u jep edhe udhëzime.
Aktivistja: Vetëm 1 ose 2 ose 3 të marrin ujin ose jelekët e shpëtimit dhe të gjithë të tjerët të qëndrojnë në vendet e tyre. A më kuptove; Unë jam e sigurt se ata do t’ju gjejnë dhe do t’ju shpëtojnë. Jini të durueshëm, kjo nuk do të ndodhë menjëherë, por ata do të vijnë.
Në fakt kur ekipet e emergjencës shkuan ishte shumë vonë. ©LAPSI.al
U prefshin ne paqe.
Zoti qofte me ta.