Lady Gaga ka ndarë një përditësim me fansat e saj dhe ka zbuluar arsyen që ajo ka qenë larg syrit të publikut gjatë muajve të fundit.
Në një letër të ndarë ndjekësit e saj në Instagram, fituesja 13 herë e Grammy-t pranoi mungesën e saj. “Kam përjetuar krijimtarinë time që nga vera e kaluar në një mënyrë vërtet të veçantë dhe private,” shkroi artistja.
“Kam shkruar dhe prodhuar muzikë për një projekt të veçantë, jam përgatitur për muaj të tërë duke zhvilluar karakterin tim për ‘Joker’, kam filmuar ‘Joker’ për shumë muaj , kam drejtuar start-up-in tim Haus Labs, duke bërë punë filantropike, dhe gjithashtu kam punuar në editimin e filmit Chromatica Ball.” Fituesja e Oskarit, e cila luan si Harley Quinn përballë Joker-it të Joaquin Phoenix në “Joker: Folie à Deux”, tha se koha larg vëmendjes i ka dhënë asaj një shans për t’u shëruar .
“Mund të them për herë të parë pas shumë vitesh se dashuria ime për të bërë art, muzikë, modë dhe përkrahje të komunitetit nuk ka qenë kurrë më përmbushëse,” vazhdoi krijuesja e “Hold My Hand”. “Shpresoj ta dini se kjo kohë për veten time ka qenë jashtëzakonisht shëruese dhe ringjallëse për zemrën, mendjen, trupin dhe krijimtarinë time – për të krijuar brenda vetes dhe për të pasur një jetë personale që është vetëm për mua.”
“Jam e sigurt se ndihem ndryshe sepse nuk kam qenë gjithmonë kaq private (vë bast se do t’i bëjë disa prej jush të qeshni) – por unë i dua aq shumë fansat e mi, përbindëshat e mi të vegjël dhe kjo nuk do të ndryshojë kurrë”, tha ndër të tjera Lady./Lapsi.al