Zjarri në pyllin me pisha në Peshtan është riaktivizuar. Flakët po përhapen me shpejtësi për shkak të terrenit dhe te erërave të forta që ndihmojnë perhapjen e flakeve.
Nga zjarri i djeshëm kishte mbetur një vatër zjarri. Ajo është riaktivizuar duke shkaktuar vatra të tjera. Drejtori i zjarrfikeseve të bashkisë Fier Zija Hyka ka pohuar se situata eshtë shume e veshtire.
“Tre grupe zjarrfikese janë ne terren. Po kerkohen perforcime nga repartet e zjarrfikseve të Patosit.
Zjarri po perhapet me shpejtesi ne nje siperfaqe te gjere, shumë shpejtë do afrohet dhe në rrugën e vjetër rurale Fier – Cakran në vëndin e qujatur “Qafa e Shkozës”.
Fillimisht priten ndihma nga kolegët e Patosit dhe nëqoftëse situata vazhdon e njëjtë do kërkohet ndihmë nga helikopteri si një ditë më parë“, ka përfunduar shefi zjarrfikseve të bashkisë Fier Zija Hyka.
Terreni eshte shumë i vështirë, automjetet nuk shkojnë deri afër vatrave të zjarrit dhe punonjësit luftojnë me flakët me pompa uji në shpinë dhe mjete rrethanore, kazma e lopata për të shuar zjarrin.