SPAK merr të pandehur Erjon Buçuku me detyrë Përgjegjës i Sektorit të Burimeve Njerëzore të Drejtorisë së Përgjithshme të Objekteve Publike në Bashkinë Tiranë.
Sipas hetimeve është provuar se kishte punësuar një çifti si roje dhe sanitare në shkollat e Tiranës kundrejt shumës prej 250 mijë lekësh.
“Nga hetimi i gjithanshëm dhe objektiv i këtij procedimi është provuar tej çdo dyshimi të arsyeshëm se, i pandehuri Erjon Buçuku, me detyrë Përgjegjës i Sektorit të Burimeve Njerëzore të Drejtorisë së Përgjithshme të Objekteve Publike në Bashkinë Tiranë, ka përfituar në mënyrë të parregullt vlerën monetare prej 100.000 lekë, për të punësuar shtetasin Geraldi Bregu, si roje të shkollës 9 vjeçare “Ardian Klosi”, Tiranë, si dhe i ka kërkuar përfitim të parregullt shtetasit Geraldi Bregu në vlerën monetare prej 150.000 lekë, për të punësuar të fejuarën e tij si sanitare në shkollën “Mihal Grameno” Tiranë, por shtetasi Geraldi Bregu nuk ia ka dhënë këtë vlerë monetare” thuhet në njoftimin e SPAK.
Ndaj tij rëndon akuza “Korrupsioni pasiv i personave që ushtrojnë funksione publike”, parashikuar nga neni 259/2 i Kodit Penal.
Avash ju te SPAK-ut se po vazhduat keshtu nuk do mbetet vend i lire ne burg dhe rilindas ne bashki e qeveri. Mos harxhoni kohen me keta por filloni me peshqit e medhenj, se te vegjlit tremben e ikin vete pastaj
Plotësisht dakort me pararendësin. Këtë tipin pushohe nga puna, t’i marin lekët dhe t’ja u kthejnë atyre qyqarve.Dhe më punësim në shtet jo. Por Spaku luan me këta të vegjëlit për hequr vëmendjen nga të mëdhenjtë. Shtetin e mban në ekuilibër drejtësia por kur ajo vepron me kurajo.