Aurelio De Laurentiis ka thënë tashmë përfundimisht jo. 130 milionë eurot të ofruara nga arabët e Al Hilal për Osimhen janë refuzuar nga presidenti i Napolit. Në të vërtetë, sulmuesi nigerian është afër rinovimit të kontratës. Osimhen do të zgjasë marrëdhënien me klubin napolitan deri në vitin 2027, me një pagë që do të arrijë në 7 milionë euro në sezon. Njoftimi duket se është i afërt, madje pritet në këtë pjesë të dytë të përgatitjes verore. Napoli, në fakt, është zhvendosur nga Dimaro, në Trentino, në Castel di Sangro, në Abruzzo. Pikërisht aty mbërriti menaxheri i tij Roberto Calenda, gati për të përmbyllur gjithçka.
Sipas raportimeve të Il Mattino, presidentit të Napolit nuk i bëri aspak përshtypje oferta saudite. Në këtë pikë, Adl qëndroi i vendosur në pozicionin e tij. Kampionët e Italisë nuk kanë ndërmend të ndajnë rrugët me qendërsulmuesin e tyre. Napoli, vetëm përballë një shifre afër 200 milionë euro, është i gatshëm të negociojë. Një shifër monstruoze, e pa prekshme as nga arabët dhe madje PSG, që e ka zgjedhur Osimhen si zëvendësues të mundshëm të Mbappé.
Lexo më tej: Përplasja mes PSG e Mbappé i ka efektet në Napoli: Al Khelaifi shënjestron Osimhen
Nga ana tjetër, vetë nigeriani nuk ka shfaqur asnjëherë shenja pakënaqësie përballë hipotezës për të vazhduar me fanellën napolitane. Në të vërtetë, angazhimi i tij i vazhdueshëm është dëshmi e një lidhjeje të fortë me fanellën, që ka çuar në gjetjen e një marrëveshjeje në parim për atë zgjatje të kontratës e cila në këtë pikë do të ratifikohet në ditët në vijim.