Dy fitore dhe një barazim në ndeshjen e parë të playoff-it të Champions League. Galatasaray dhe Sporting Braga mposhtin Molde (3-2) dhe Panathinaikos (2-1), ndërsa Maccabi Haifa barazon pa gola me Young Boys. Në Norvegji goli i Midtsjo ishte vendimtar në minutën e 93′, pas asistimit të Icardi. Ish-kapiteni i Inter shënoi edhe vetë në minutën e 29′. Fitore in-extremis e turqve, shpresë po në fund për grekët e Panathinaikos. Në Portugali, Ruiz dhe Djalo bënë të buzëqeshnin luzitanët, që pësuan golin e Mancini në shtesë. Përfundoi 0-0 mes Maccabi Haifa dhe Young Boys.
Në Conference League, Aston Villa mposhti në transfertë Hibernian 5-0, ndërsa mbyllet 1-1 ndërmjet Trnava dhe Dnipro.
Lexo më tej: Champions/ Rangers ndalin PSV për një vend në grupe: fitore për Antwerp e Copenhagen
MOLDE 2-3 GALATASARAY
Icardi dhe Midtsjo e bënë Galatasaray të buzëqeshë, pasi fitoi ndeshjen e parë të play-off të Champions League kundër Molde 3-2 në Norvegji. Turqit janë në avantazh tashmë në funksion të kthimit të sfidës, që vlen kalimin në fazën e grupeve. Megjithatë, fillimi i shpërblen vendasit, të cilët kaluan në avantazh në minutën e 8′ me Ellingsen. Mes minutave 25 e 29 vjen përmbysja e nënshkruar me goditje dënimi nga Sergio Oliveira dhe ish-kapiteni i Inter. Para pushimit, Akgun iu anulua trisi i mundshëm në minutën e 43′ për një faull. Befasia erdhi në minutën e 56′, kur skandinavët barazuan me Hauge. Megjithatë, pikërisht në finale, argjentinasi shërbeu për Midtsjo që shënoi golin e fitores. Në Turqi, Icardi, Mertens dhe shokët e tij të skuadrës do të kenë dy rezultate nga tre në dispozicion për të kaluar në fazën e grupeve. Molde do të duhet të provojë goditjen në Stamboll: të fitojë me të paktën dy gola diferencë.
SPORTING BRAGA 2-1 PANATHINAIKOS
Sporting Braga mundi 2-1 Panathinaikos në ndeshjen e parë. Por goli i Mancini në minutën e 95′ rrezikon të jetë shumë i rëndë për grekët. Në fakt, deri në minutën e fundit, luzitanianët ishin në epërsi të dyfishtë falë golave të shënuar në pjesën e dytë nga Abel Ruiz (51′) dhe Djalo (73′). Megjithatë, goli i argjentinasit në fund e mban gjithçka hapur në funksion të rikthimit në tokën helene. Panathinaikos duhet të fitojë me të paktën dy gola diferencë. Ndërsa Sporting Braga do të ketë dy rezultate nga tre në dispozicion për të kaluar raundin.
MACCABI HAIFA 0-0 YOUNG BOYS
Ekuilibër maksimal mes Maccabi Haifa dhe Young Boys, pas barazimit 0-0 në Izrael. Favoritë janë zviceranët, për të kaluar në grupe, duke qenë se ata do të luajnë ndeshjen e dytë në shtëpi. Shanset ishin të pakta: zviceranët ishin të parët që u rrezikuan me një goditje dënimi të Imer. Vendasit u kundërpërgjigjën me Chery, të bllokuar nga portieri Racioppi. Në pjesën e dytë, Rieder goditi nga jashtë zonës pa gjetur portën dhe barazimi 0-0 ishte i pashmangshëm pavarësisht rikuperimit të gjatë. Gjithçka do të vendoset në Bernë.
Champions League Qualification
Maccabi Haifa 0-0 Young Boys
Molde 2-3 Galatasaray
SC Braga 2-1 Panathinaikos