Një 68-vjeçar është plagosur me thikë në fshatin Laç të Vaut të Dejës. Policia raportoi se autori i sulmit është një vajzë 21-vjeçare e cila është identifikuar dhe arrestuar nga policia.
Nuk dihet shkaku i konfliktit dhe as gjendja shëndetësore e të plagosurit. Ky i fundit është transportuar me urgjencë në spitalin e Shkodrës. Policia njoftoi vetëm se po punon për zbardhjen e plotë të rrethanave të ngjarjes.
“Rreth orës 21:30, në urgjencën e Spitalit Rajonal Shkodër ka mbërritur për ndihmë mjekësore shtetasi Z. P., 68 vjeç, banues në Vaun e Dejës, i plagosur me mjet prerës (thikë).
Shërbimet e Policisë kanë reaguar menjëherë, duke identifikuar dhe kapur autoren e dyshuar të plagosjes, një 21-vjeçare, banuese në Vaun e Dejës, e cila po shoqërohet në Komisariatin e Policisë Vau i Dejës, për veprime të mëtejshme.
Grupi hetimor nën drejtimin e Prokurorit po punon për sqarimin e rrethanave të sakta të ngjarjes dhe dokumentimin ligjor të këtij rasti” – thuhet në njoftimin e policisë. ©LAPSI.al