Një 34-vjeçar është vënë në prangat e policisë së Tiranës pasi ka vjedhur disa farmaci në kryeqytet.
Nga veprimet hetimore ka rezultuar se ky shtetas ka kryer disa vjedhje, gjatë ditëve të fundit, në disa farmaci në Tiranë, duke u prezantuar si punonjës i depove farmaceutike.
Dy prej këtyre vjedhjeve janë dokumentuar me prova ligjore. Më datë 21.08.2023 dhe më datë 22.08.2023, i riu ka vjedhur produkte të ndryshme në dy farmaci. Vijon puna për dokumentimin e vjedhjeve të tjera që janë kryer nga ky shtetas.
Materialet procedurale i kaluan Prokurorisë pranë Gjykatës së Rrethit Gjyqësor të Juridiksionit të Përgjithshëm Tiranë, për veprime të mëtejshme.