Policia u ka shkuar në ndihmë 23 turistëve gjermanë, polakë dhe francezë, të cilët kishin mbetur të bllokuar te banjat e Bënjës. Turistët janë bllokuar në vendparkimin e zonës. Automjetet e tyre nuk qarkullonin dot për shkak se rruga ishte prishur si pasojë e daljes së lumit. Turistët janë transportuar dhe janë akomoduar në hotel, në qytetin e Përmetit, ku janë në gjendje të mirë shëndetësore.
Po ashtu, shërbimet e Policisë bënë të mundur dhe nxjerrjen e automjeteve dhe dorëzimin e tyre te turistët.