• |
ide | kryesore

Del SONDAZHI/ Kush udhëheq mes Trump dhe Biden në 6 shtetet e lëkundura të SHBA

Arkiva, Lajme, Të fundit
Biden, Trump


Presidenti demokrat Joe Biden renditet pas kandidatit kryesues republikan Donald Trump në 5 nga 6 shtetet më të rëndësishme për betejën elektorale, një vit përpara mbajtjes së zgjedhjeve në Shtetet e Bashkuara. Sondazhet e publikuara të dielën duken si një reflektim i pakënaqësive në mesin e amerikanëve lidhur me moshën e Presidentit Biden apo gjendjen e ekonomisë.

Anketimet u bënë nga gazeta The New York Times dhe Kolegji Siena. Zoti Trump, i cili kryeson ndër kandidatët republikanë për të marrë emërimin si kandidat i kësaj partie për vitin 2024, kryeson në Arizona, Xhorxhia, Miçigan, Nevada dhe Pensilvani, ndërsa Presidenti Biden kryeson në Uiskonsin. Presidenti Biden e mundi ish-Presidentin Trump në të gjashta këto shtete në zgjedhjet e vitit 2020. Zoti Trump merr tashmë mesatarisht nga 44 – 48% mbështetje në këto shtete, thuhet në anketime.

Çfarë nënkuptohet me këto rezultate?

Megjithëse anketimet që masin nivelin e mundshëm të votave në nivel kombëtar kanë treguar vazhdimisht një garë të afërt mes zotit Biden dhe zotit Trump, zgjedhjet presidenciale normalisht përcaktohen nga rezultatet në disa shtete, të mbiquajtura të lëkundura.

Fitorja e zotit Biden në Arizona, Xhorxhia, Miçigan, Pensilvani dhe Uiskonsin – të gjitha shtete të lëkundura ku pati fituar zoti Trump në vitin 2016 – ishte vendimtare për fitoren e tij në vitin 2020. Zotit Biden do t’i duhet ndoshta të fitojë në disa prej këtyre shteteve për të siguruar rizgjedhjen.

Reagon fushata elekektorale e Presidentit Biden

“Parashikimet e një viti më parë duken zakonisht më ndryshe një vit më pas. Mos pranoni thjesht fjalën tonë për këtë: Gallup parashikoi një humbje prej 8% për Presidentin Obama, ndërkohë që ai fitoi bindshëm një vit më vonë”, u shpreh në një deklaratë zëdhënësi i fushatës elektorale të Presidentit Biden, Kevin Munoz, duke iu referuar fitores së demokratit Barack Obama në vitin 2012, përballë republikanit Mitt Romney.

Zoti Munoz shtoi se fushata elektorale e Presidentit Biden “po punon shumë për të angazhuar dhe mobilizuar bazën tonë të shumëllojshme dhe fitimtare të votuesve, një vit më herët përpara zgjedhjes mes axhendës sonë fitimtare popullore, dhe ekstremizmit jopopullor të republikanëve të MAGA-s (Lëvizja e ish-Presidentit Trump: “Ta bëjmë Amerikën sërish madhështore”). Ne do të fitojmë në 2024-n duke ulur kokën dhe duke punuar, dhe jo duke u shqetësuar nga një anketim”.

Shifrat 

Anketimet tregojnë se koalicioni i përbërë prej racash dhe gjeneratash të ndryshme i Presidentit Biden duket se po dobësohet. Votuesit nën moshën 30-vjeçare mbështesin zotin Biden, tashmë në moshën 80-vjeçare, me vetëm një përqind më shumë. Kryesimi i tij në radhët e votuesve hispanikë ka rënë në një avantazh njëshifror dhe avantazhi i tij në zonat urbane është sa gjysma e kryesimit të zotit Trump në zonat rurale, thuhet në anketime.

Votuesit afrikano-amerikanë, një segment qendror demografik ndër mbështetësit e zotit Biden, tashmë rezultojnë me 22% mbështetje në këto shtete për zotin Trump, një nivel mbështetjeje që sipas gazetës The New York Times nuk është parë në politikë për një kandidat republikan në kohërat moderne.

“Isha i shqetësuar që përpara këtyre anketimeve dhe jam i shqetësuar tani”, i tha kanalit CNN, Richard Blumenthal, Senator demokrat nga shteti Konektikat. “Askush nuk do të ketë këtu zgjedhje të lehta… Na është bërë e qartë puna që duhet të bëjmë”, shtoi Senatori Blumenthal. /VOA

LEXO EDHE: Analiza në BBC/ Si do të ishte një tjetër mandat i Donald Trump


6 Comments

    1. Qe Trumpi do fitoje kjo buk diskutohet. Po do arrije Trumpi te beje nje kthese 180 grade per ta drejtuar ameriken dhe perendimin drejt normalitetit kjo eshte per tu pare.

  1. ata nuk dinë ç’të bëjnë me jetën e tyre që u ka ikur 32 vite kot pas këtij njeriu fals, që i u është shitur për i ndershëm dhe po gjykohet për 17 kulla, (të tetëmbëdhjetën e ka në proces), u është shitur trim e shkon si lepur, u është shitur burrë shteti dhe sillet si anëtar i Intifadës, u është shitur si i paprekshëm dhe përgjërohet gjithë ditën mos ta marrin as në pyetje.

    Pikëpyetja e vetme është se çfarë ndodh me këta njerëz po shkoi.

    1. Nqs e ke per gjyqet e kota ndaj Trump, qenke die hard fan i te majtes.
      Prokuroret qe marrin vendimet jane te Sorosit, rrjedhimisht sistemi gjyqesor eshte i manipuluar financiarisht.
      Gjithashtu, se keta i kam fiksim 😊, nqs Soros nderpreu financimet ne Gjermanie dhe Europenis Union, do te thote qe “beni ecen vet”, ska me nevoje. Europenis union duhet te shperbehet por ne menyre e sakte.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *