Rock & Roll Hall of Fame ka disa anëtarë të rinj!
Sheryl Crow, Missy Elliott, Chaka Khan dhe Willie Nelson ishin ndër yjet e përfshirë në ceremoninë e Rock & Roll Hall of Fame 2023 të premten, e cila u mbajt në Barclays Center në Brooklyn, New York City.
Crow hapi shfaqjen duke interpretuar me Olivia Rodrigo hitin e vitit 1996 “If It Makes You Happy”.
“Ishte një nder të bashkohesha me Sheryl në skenë dhe jam shumë e emocionuar që ajo po përfshihet në RRHOF!” ndau Rodrigo në një deklaratë me PEOPLE. “Unë jam një fanse e saj. “Ajo është po aq e sjellshme sa edhe e talentuar dhe ndihem kaq me fat që munda të jem pjesë e festimit të një legjende të tillë.”
Ndërkohë Elliott mori nderin të bëhej artistja e parë femër hip-hop në Rock & Roll Hall of Fame, teksa u pranua nga Queen Latifah.
Elliott performoi disa hite të saj, duke përfshirë “Pass That Dutch”, “Get Ur Freak On” dhe “Work It”, përpara se të mbante një fjalim në të cilin ajo vuri në dukje, sipas Associated Press, se ishte e nderuar që u pranua gjatë 50 vjetorit të hip-hop-it. “Të qëndrosh këtu, do të thotë shumë për mua,” tha ajo, për AP. “Jam e nderuar që jam në një dhomë me ju të gjithë.”
Elton John gjithashtu bëri një paraqitje teksa performoi me Crow, Chris Stapleton dhe Brittany Howard për pjesën memoriam të shfaqjes. Sipas Pitchfork, ndër yjet e ndjerë të nderuar në homazhe ishin Tina Turner, Sinéad O’Connor, Jimmy Buffett, David Crosby dhe Harry Belafonte./Lapsi.al