Një vendim i Gjykatës Kushtetuese për mandatin e deputetes socialiste, Olta Xhaçka mbetet i pazbatuar prej gati 1 viti në Kuvend, ndërsa kriza e re e përplasjeve mes mazhorancës dhe opozitës duket se po shfrytëzohet për ta mbajtur këtë çështje në sirtar për një kohë të pacaktuar.
Kabineti i kryetares së Kuvendit, Lindita Nikolla pretendoi të premten se moszbatimi i vendimit për mocionin e papajtueshmërisë së mandatit të Xhaçkës lidhej me mungesën e normalitetit të punimeve të Kuvendit.
“Çështja për të cilën ju interesoheni si edhe çështjet e tjera që janë në programin e punës së Kuvendit do të shqyrtohen sa më shpejt, me kthimin e normalitetit të punës në Kuvend,” tha shefi i kabinetit, Kosta Bajraba, në përgjigje të pyetjeve drejtuar Nikollës.
Bajraba nuk iu përgjigj pyetjes se pse situata në Kuvend nuk ishte shqetësim për të vijuar me miratimin e ligjeve të tjera me rëndësi.
Gjykata Kushtetuese në janar shfuqizoi si antikushtetues vendimin e Kuvendit për të bllokuar dërgimin për interpretim në këtë gjykatë të mandatit të Xhaçkës, pasi bashkëshorti i saj u shpall “investitor strategjik” dhe përfitoi veç të tjerash përmes një vendimi qeverie edhe shfrytëzimin e brigjeve të detit.
Për kryetarin e grupit parlamentar të PD-së, Gazment Bardhi, moszbatimi i vendimit të Kushtetueses për Xhaçkën nuk lidhej me situatën në Kuvend.
Bardhi i tha BIRN se deri më tani i kishte dërguar tre kërkesa zyrtare Kryetares së Kuvendit për këtë çështje dhe kishte ngritur shqetësimin dhe në Konferencë, pa marrë një përgjigje.
“Moszbatimi i vendimit të Gjykatës Kushtetuese është shprehje e qartë e vullnetit të mazhorancës për dhunimim e Kushtetutës dhe mbrojtjen e abuzimeve me pushtetin,” tha Bardhi, duke shtuar se “siç votohen ligjet me të cilat financohen me më shumë para oligarkët, mund dhe duhet të votohet për zbatimin e vendimit të GJK”.
Çështja e mandatit të Xhaçkës mbahet nga korriku në zyrën e Nikollës, e cila ka kompetencën ligjore që të vendosë për procedurën e mëtejshëm parlamentare që do të ndjekë zbatimi i vendimit të Gjykatës Kushtetuese.
Këshilli i Legjislacionit nëpërmjet shumicës miratoi një raport ku i sugjeronte asaj rikthimin e çështjes në Këshillin për Rregulloren dhe Mandatet, ndërsa opozita sugjeronte ndjekjen e praktikës së mëparshme parlamentare për ta dërguar direkt në seancë për votim kërkesën e opozitës që mandati i Xhaçkës të shkojë për interpretim në Kushtetuese.
Në fund të shtatorit, Kryetarja e Kuvendit u justifikua me axhendën e ngjeshur në fillim të sesionit parlamentar, ndërsa në tetor zyra e saj i tha BIRN-it se kjo çështje do të shqyrtohej dhe do të kishte një vendim nga Këshilli i Mandateve brenda 2 javëshit të parë të nëntorit.
Pavarësisht pretendimeve që vijnë nga Kuvendi, duket se kjo është një çështje që varet nga vullneti politik i mazhorancës, pasi kryeministri Edi Rama e quajti të paqartë vendimin e Gjykatës Kushtetuese.
Mandati i Xhaçkës është vënë në pikëpyetje për shkak të përfitimit të bashkëshortit të saj, Artan Gaçi të statusit të investitorit strategjik për një hotel në Dhërmi si dhe lejen për shfrytëzimin e brigjeve përpara hotelit. Ndërkohë disa javë më parë, Prokuroria e Posaçme, SPAK, vendosi masën e sekuestros preventive mbi një sipërfaqe toke prej 5512 m2 në pronësi të Gaçit në bregdet, pasi dyshohet se u përfitua përmes dokumenteve të falsifikuara./BIRN
A nuk perben shperdorim detyre veprimi i zvarritjes se zbatimit te vendimit te Gjykates Kushtetuese ?
Cfar prisni nga nje personazh si zhapik i verdhë pa gjak…nje marionet nën urdhrat e kryeministrit…sikurse ka qen dhe paraardhersja dhe paraardhesit..Politik e ndyre mbi cerekshekulli po ven krejt ne pikpyetje ekzistencën e Shqiperise
Shqiptart e meritojn sepse vetm votojn mostra .prej gati 40 vitesh..kur nuk mëson..historia e pesimeve perseritwt
Nafija e di parlamentin klase shkolle
Kjo tamam nje lenka cuko me firma te shtrenjta..
I like the last coment..fiks po trurin e ka Nafije..i rrofshin bizhut dhe plaçkat e shtrenjta…po ate stafin qe ka fshataaaaaaar pa lar
JU SHKERDHEFSHA MU NE ATDHE DHE KOMB KURVA SHKERDHATA MUTI
Ti sjell ne qender ules kokebolefshatari, syte.
Vazhdoni moterqiraj!
Cope mishi mbeti kjo ashtu sic mbaroi universitetin Kristal me noten mes 5,7.