Pak episode në Salernitana-Milan por pa dyshime të mëdha. Kuqezinjtë protestuan për një dorë në zonë nga Fazio, pas goditjes nga jashtë zonës të Leao në fillim të ndeshjes. Megjithatë, moviola e specialistit Andrea De Marco e përjashton penalltinë. “Lëvizja e krahut të mbrojtësit të Salernitanës u gjykua natyral, kjo është arsyeja pse VAR vendosi të mos e thërriste arbitrin Doveri në monitor”.
Në anën tjetër, Filippo Inzaghi protestoi për goditjen e lirë që solli golin e Tomori. Por edhe në këtë rast vendimi i arbitrit është i saktë: “Shtyrja e bërë nga Mazzocchi në dëm të Leao është evidente dhe bëhet fjalë për faull”.
Ndeshja përfundoi me një karton të kuq për Fiorillo, në fund të një sherri me Florenzi në minutat shumë të nxehta të shtesës: “Përjashtimi për shtyrjen e lojtarit të Milan është i saktë”, përfundon De Marco.
It ends all square.#SalernitanaMilan #SempreMilan
Brought to you by @Acqua_Lete pic.twitter.com/1ONHmZKVyD— AC Milan (@acmilan) December 22, 2023
Sa i përket ndeshjes, Mike Maignan bëri një gabim potencialisht fatal në goditjen e Candrevës dhe Milani rrezikon shumë në Arechi. Kuqezinjtë arritën të barazonin me Salernitanën vetëm në minutën e fundit. Luka Jovic ishte heroi i Milanit, me 2-2 e shënuar në minutën e 90’, për të kurorëzuar me sukses rrethimin me katër sulmues të hedhur në fushë nga Pioli. Milan shmang kështu humbjen e bujshme me të fundit të renditjes, por humb dy lojtarë të tjerë. Kjaer dhe Tomori janë jashtë për shkak të dëmtimit. E sot kuqezinjtë mund të humbasin më shumë terren ndaj Inter e Juventus.