Orët e paradites vijojnë me alternime kthjellimesh dhe vranësirash të shpeshta, të cilat do të rrezikojnë reshje të pakta shiu në të gjithë vendin, ku më të përqendruara do të jenë në veri të territorit. Parashikohet që pasditja dhe në vijim të sjellë përmirësim të kushteve atmosferike duke i larguar reshjet gradualisht nga i gjithë territori i vendit.
Temperaturat e ajrit do të rriten si në mëngjes dhe në mesditë duke luhatur vlerat ditore nga 2°C deri në 19°C. Era do të fryjë e lehtë dhe mesatare me shpejtësinë 35 km/h nga drejtimi veriperëndimor, kjo do të bëjë që në brigjet detare të krijohet dallgëzim 2 ballë.
Kosova
Republika e Kosovës paraqitet përgjatë gjithë 24 orëshit nën ndikimin e masave ajrore të paqëndrueshme, duke sjellë alternime kthjellimesh dhe vranësirash të dendura, ku herë pas here do të gjenerojnë reshje shiu. Pritet që intervalet me kthjellime më të dukshme të jenë në zonat veriore dhe veriperëndimore. Ndërsa në pjesën e dytë të ditës parashikohet që vranësirat dhe shirat e dobët e lokalë të përfshijnë të gjithë vendin, por në sasi të pakta. Temperaturat e ajrit do të rriten në mëngjes dhe në mesditë duke u luhatur nga 2 gradë C deri në 15-16 gradë C. Era do të paraqitet e lehtë dhe mesatare duke arritur shpejtësi maksimale mbi 30 km/h nga drejtimi permanent veriperëndimor.
Maqedonia e Veriut
Masat ajrore të paqëndrueshme do të ndikojnë kushtet e motit në të gjithë republikën e MV duke sjellë vranësira, ku më të theksuara vranësirat do të paraqiten në zonat veriore – veriperëndimore të MV duke rrezikuar reshje të izoluara shiu. Kjo situatë atmosferike do të na shoqërojë deri vonë në mbrëmje kur pritet largim i përkohshëm i vranësirave dhe shirave nga pjesa më e madhe e territorit të MV. Për sa i përket: Temperaturave të ajrit do të pësojnë 1 – 2 gradë rritje në të dy vlerat ekstreme ditore duke u luhatur nga 2°C minimalja deri në 16°C vlera maksimale në rang territori. Era do të fryjë e lehtë paradites por mesatare pasdite duke arritur shpejtësinë maksimale mbi 35 km/h nga drejtimi kryesisht Veriperëndimor.
Europa
Si pasojë e prezencës së dy qendrave të fuqishme ciklonare përkatësisht; në veri dhe verilindje të kontinentit me ndikim deri në qendër të Europës do të kushtëzojnë motin në këto rajone, ku gadishulli Skandinav dhe Europa Lindore do të kenë reshje të konsiderueshme dëbore si edhe temperatura shumë të ulëta. Po ashtu me reshje të dendura shiu si edhe mini-stuhi ere do të paraqiten Europa Qendrore, gadishulli i Ballkanit si edhe brigjet e detit Egje ndërsa nën ndikimin e kushteve disi më të qëndrueshme atmosferike paraqiten vetëm ishujt Britanikë si edhe gadishulli Iberik duke bërë që kthjellimet dhe vranësirat e lehta të jenë dominante.