Prokurori federal i FIGC ka hapur procedimin për deklarata të dëmshme ndaj drejtorit sportiv të Hellas Verona, Sean Sogliano, në lidhje me intervistat e dhëna pas ndeshjes kundër Inter. Në orët e ardhshme Sogliano do të thirret nga prokurori federal Giuseppe Chiné, i cili synon të konstatojë kuptimin e deklaratave të drejtorit sportiv verdheblu për punën e VAR-it.
Sogliano, pas ndeshjes Inter-Verona 2-1, duke iu referuar golit të dyfishimit të Frattesi të vlerësuar pavarësisht një faulli të qartë nga Bastoni ndaj Dudës, i pa dalluar nga arbitri në fushë dhe ai i VAR: “Më vjen shumë keq dhe i zhgënjyer. Në njëzet vite jam ankuar tre herë në karrierë, por sot jam në vështirësi. Ky gol është e pamundur të mos anulohet, është mungesë respekti. Të gjithë gabojnë por është e pamundur të bëhet një i tillë në sallën VAR. Si një veronez ndjej se dinjiteti ynë është shkelur për diçka shumë serioze”, tha drejtori sportiv Sean Sogliano. Në konferencë ai më pas i çoi gjërat më tej: “Ndoshta dikush më lart se VAR vendosi që duhej të shkonte kështu”.
Lexo më tej: “Gafë e madhe”: AIA do të dënojë arbitrat Fabbri e Nasca për golin e fitores së Inter