Tre pikët e arritura në kohën shtesë ndaj Frosinones ishin lajmi më i mirë i së dielës për Massimiliano Allegri. Në javën tjetër të kampionatit është një ndeshje në transfertë kundër Napolit, por për trajnerin e Juventus do të jetë një emergjencë e plotë në mesfushë. Në fakt, gjatë ndeshjes kundër verdhebluve, fillimisht Rabiot e më pas McKennie ngritën flamurin e bardhë. Të dy lojtarët do të duhet të qëndrojnë jashtë fushës për të paktën dy javë. Testet konfirmuan ndjesitë e djeshme. Mesfushori francez dëmtoi gishtin e madh të këmbës së djathtë në një përplasje me Bremer. Ai postoi në rrjetet e tij sociale një foto të grafisë të cilës i ishte nënshtruar. Duket qartë dalja nga vendi e kockës së gishtit. Një dëmtim të ngjashëm ka pësuar edhe amerikani, por në shpatull.
YILDIZ, GJITHÇKA NË RREGULL
Lajmi i mirë për Allegrin vjen nga Kenan Yildiz. Talenti turk u largua dje nga fusha duke prekur kofshën e djathtë. Sot ai iu nënshtrua testeve specifike në JMedical, të cilat përjashtuan komplikacione. Të martën, kur të rifillojë, Yildiz do të stërvitet rregullisht me shokët e skuadrës.
Lexo më tej: Video/ Juventus, sa vuajtje për tu kthyer të fitorja: Rugani rrëzon në shtesë Frosinonen
REZULTATI I TESTEVE PËR RABIOT E MCKENNIE
Rabiot, kundër Frosinone, regjistroi ndeshjen e tij të 200 me bardhezinjtë. Kontrollet e mëngjesit të sotëm konfirmuan dislokimin e gishtit të këmbës për francezin dhe dislokimin e shpatullës për amerikanin. Gjendja e të dy lojtarëve do të rivlerësohet në javët në vijim.
Congratulations on your 2️⃣0️⃣0️⃣ appearances in ⚪⚫, Adrien!
— JuventusFC 🇬🇧🇺🇸 (@juventusfcen) February 25, 2024