Përshëndeti papritur Manchester City në janar të një viti më parë, për t’u drejtuar te Bayern Munich. Një histori gjashtë mujore përpara se të mbërrinte në Barcelonë, ku ai i krijoi vetes një vend si titullar. Po flasim për Joao Cancelo, i cili kaloi tre vite e gjysmë intensive te Citizens, më pas të ndërprerë për shkak të marrëdhënies së tij të thyer me teknikun Pep Guardiola. Mbrojtësi i krahut, ish-Juve dhe Inter, foli pikërisht për këtë aspekt në një intervistë me kolegët e A Bola, që bëri zhurmë: “Si reagova ndaj kritikave të teknikut Guardiola që tha se isha një shok i keq? Janë gënjeshtra! Mund të pyesni Aké ose Rico. Unë nuk kam pasur asnjë kompleks superioriteti ndaj tyre, por nëse ai mendon kështu…”.
Lexo më tej: “Pas bisedës me Guardiolën u largova nga City”: Cancelo tregoi fjalët që iu thanë
Lojtari i lindur në vitin 1994, i cili në Itali ngriti një titull kampion dhe një Superkupë italiane me fanellën e Juventus (sezoni 2018-2019), ka diçka edhe për Manchester City: “Disa deklarata publike më kanë shqetësuar – shtoi Cancelo, tani në Spanjë -. Klubi ishte mosmirënjohës ndaj meje, unë kam qenë një lojtar shumë i rëndësishëm për të gjithë periudhën që kam luajtur për ta. Nuk kam dështuar kurrë në angazhimin tim ndaj klubit, ndaj tifozëve, duke dhënë gjithçka. Jam i sinqertë, nuk gënjej kurrë. City është ende favorit për të fituar Champions League”.
Cancelo: "I didn't like what Guardiola said about me [being a bad team-mate]. I think Manchester City were a bit ungrateful to me when they said that, because I was a very important player in the years I was there. I never failed in my commitment to the club, to the fans and I… pic.twitter.com/MU8Rz8Tcdn
— Barça Universal (@BarcaUniversal) March 24, 2024