Tragjedi në fushë në Bolivi. Guillermo Denis Beltrán, 24-vjeçari sulmues anësor kolumbian, humbi jetën nga një atak në zemër pasi ra pa ndjenja gjatë stërvitjes me ekipin e tij, Real Santa Cruz, një klub në divizionin e parë bolivian. “Ai po stërvitej normalisht dhe u rrëzua – tha kapiteni Adolfo Soria Galvarro -. Mjekët u përpoqën ta ringjallnin, por ai u nda nga jeta kur u transferua në një klinikë”.
“Ai ishte shumë më tepër se një lojtar i talentuar: ai ishte një mik. Një shok skuadre dhe një burim frymëzimi për shumë njerëz – thuhet në një deklaratë të klubit në Instagram -. Pasioni i Beltrán për lojën dhe shpirti i tij i palodhur do të vazhdojnë të kujtohen dhe të mbahen përgjithmonë”.