Çështja e racizmit në stadiume vazhdon të jetë në qendër të vëmendjes në futbollin europian. Pas mbylljes së çështjes Acerbi, i liruar në kontekstin e fyerjes raciste të supozuar ndaj Juan Jesus gjatë Inter-Napoli, fenomeni është kthyer fatkeqësisht në aktualitet në Spanjë. Një ngjarje e rëndë ka ndodhur gjatë ndeshjes së RFEF Primera Division (seria e tretë spanjolle) midis Sestao River dhe Rajo Majadahonda. Protagonist ishte portieri senegalez Sarr.
FYERJE RACISTE NDAJ PORTIERIT
Në minutën e 87′ (me rezultatin 2-1 për vendasit), ofendime të rënda raciste iu drejtuan portierit të Rayo, Cheikh Sarr. Në këtë moment, senegalezi e identifikoi personin përgjegjës. 24 vjeçari reagoi instinktivisht dhe u vërsul drejt tribunës, duke kapur tifozin nga shalli, në përpjekje për të “bërë drejtësi vetë”.
VENDIMI I RAJO MAJADAHONDA
Një gjest që i kushtoi atij përjashtimin direkt dhe që shkaktoi qëndrimin e qartë të shokëve të tij. Jorge Casado, kapiteni i Rayo, e theksoi në mikrofonat e Cadena Ser se ishte gjëja e duhur për tu bërë: “Të gjithë lojtarët ranë dakord të largoheshin nga fusha dhe të ndërpresin ndeshjen. Nuk humbëm asnjë moment, nuk mund të vazhdonim të luanim sikur të mos kishte ndodhur asgjë. Ne folëm me arbitrin dhe ai pranoi vendimin tonë duke e pezulluar ndeshjen. RFEF u përpoq të na detyronte të ktheheshim në fushë, një situatë e pabesueshme. Në vitin 2024 është absurde që ka njerëz të lirë të hyjnë në stadium dhe të shajnë njerëzit për shkak të ngjyrës së lëkurës, është turp”.
Cheikh Kane Sarr [Gardien | 2000] victime d’insultes racistes lors de la rencontre entre le Rayo Majadahonda et le Sestao River ! 🤢
Le gardien sénégalais a été exclu pour avoir affronté les supporters du Sestao River. Ses coéquipiers du Rayo Majadahonda ont refusé de jouer les… pic.twitter.com/2Tl3DCPEEG
— 𝗝𝗼𝘂𝗲𝘂𝗿𝘀 𝗦𝗲́𝗻𝗲́𝗴𝗮𝗹𝗮𝗶𝘀 🇸🇳 (@JoueursSN) March 30, 2024