Këtë të martë vendi ynë do të ndikohet nga kushte atmosferike relativisht të paqëndrueshme. Moti me temperatura të larta pritet t’i lërë vendin alternimeve të vranësirave dhe intervaleve me reshje shiu.
Pas orëve të mesditës priten reshje shiu me intensitet të ulët në pjesën më të madhe të territorit e mesatare në veri. Era do të fryjë me drejtim jug-jugperëndim me shpejtësi mesatare 2-8 m/sek. Përgjatë vijës bregdetare dhe lugina hera-herës ajo fiton shpejtësi deri 10-12 m/sek duke bërë që valëzimi në dete të jetë i forcës 2-3 ballë.
Temperaturat parashikohen:
- në zonat malore 9 deri 23°C
- në zonat e ulëta 8 deri 26°C
- në zonat bregdetare 14 deri 26°C.