Një duel që zgjati gjatë gjithë garës, e që u ndez ashpër drejt fundit. Në ndeshjen e dytë gjysmëfinale të Champions League mes Real Madrid dhe Bayern Munich, Vinícius Júnior dhe Joshua Kimmich krijuan një super sfidë në krah. Driblime dhe përshpejtime nga njëra anë, rikuperime dhe rrëshqitje nga ana tjetër. Një ndeshje brenda një ndeshjeje, e cila u nxeh edhe më shumë në kohën shtesë. Për të shpejtuar goditjen nga këndi, mbrojtësi gjerman mori topin dhe ia kaloi brazilianit, i cili përkundrazi priste ta merrte në duar dhe kështu fillimisht e la të binte dhe më pas reagoi me një gjest provokues.
Në shtesën e Real-Bayern, Blancos sapo kanë kompletuar një rikthim të jashtëzakonshëm: nga 0-1 në 2-1 në harkun e pak minutave. Bavarezëve, ende të tronditur nga dygolëshi i Joselu, iu desh të bënin një përpjekje të dëshpëruar për të barazuar e për ta dërguar ndeshjen në kohën shtesë. Në sulm, megjithatë, ishte skuadra spanjolle, të cilët padyshim që nuk nguteshin. Përkundrazi.
Lexo më tej: Ancelotti, finalja e gjashtë e Champions në karrierë: “Ndodhi përsëri, merituam të fitonim”
PROVOKIMI I LOJTARIT BRAZILIAN
Vinícius iu afrua me qetësi flamurit për të kryer një goditje nga këndi. Pasi Kimmich shkoi për të marrë topin, braziliani zgjati dorën për t’u përgatitur për “pritjen”, por gjermani e lëshoi atë pak më parë. Sulmuesi i Real nuk e mori dhe bëri që mbrojtësi i Bayern të kthehej, këtë herë duke ia vendosur topin direkt në gjoksin e kundërshtarit. Vinícius nuk e priti me sportivitet gjestin dhe reagoi në mënyrë provokuese. E shtyu topin dhe e dërgon sërish afër reklamave. Grindja vijoi në nivel verbal, ku dy protagonistët duke u larguar i thonë diçka njëri-tjetrit nga distanca. Sigurisht, nuk bëhet fjalën për komplimenta…
— Out Of Context Football (@nocontextfooty) May 9, 2024