Një ditë pas protestës përpara Gjykatës Kushtetuese nga profesionistët e lirë, deputetja e PD që ka dërguar në emër të grupit parlamentar padinë në Gjykatë Kushtetuese për Taksimin e Profesionistëve të Lirë ka reaguar në rrjetet sociale mbi pandershmërinë e taksimit të profeisonistëve të lirë.
Tabaku shkruan se një profesionist i lirë do të taksohet deri në 50% të të ardhurave të tyre ndërkohë që bizneset e oligarkisë që kanë përfituar hotele me 5 yje dhe kanë monopolizuar tregun dhe ekonoinë shteti u fal taksat.
Postimi:
Në 18 qershor Gjykata Kushtetuese do të shqyrtojë çështjen e dërguar nga Grupi Parlamentar i PD dhe së paku 4 grupe të tjera interesi; Taksimin e Profesioneve të Lira.
Një taksim i pandershëm që vendoset në xhepat e 30 mijë profesionistëve të lirë. ndërsa një biznes i madh taksohet me 15%. Një profesionist i lirë që ka shpenzuar vite për t’u rritur profesionalisht dhe për të ofruar një shërbim taksohet me letra deri në 23%, por në realitet taksimi i tij shkon mes 30% deri në 50%.
Një hotel me 5 yje në mes të Tiranës, apo një rezort që ndërtohet në jug/veri paguan taksa të reduktuara, ndërsa shërbimet që ofron i ka me 5% TVSH. Një profesionist i lirë që punon çdo ditë për të siguruar një kontratë pune do t’i duhet të paguajë deri në 50% taksa.
Sistemi i pandershëm dhe i korruptuar fiskal që ka vendosur qeveria socialiste promovon pandershmërinë, ndërsa fal nga taksat një pakicë oligarkike që ka monopolizuar tregun ndërsa takson deri në 50% çdo sipërmarrës të lirë në fushën e profesioneve të lira.
Ky është një sistem i pandershëm dhe korruptuar që duhet rrëzuar sepse është antikushtetues! Prandaj në 18 qershor duhet të jemi duke pritur së bashku një vendim që duhet të na rikthejë në binarët e kushtetutës!
Komentet e patronazhistëve i shpall të hapura.
poshte qeveria e ndyre e rilindjes