Perimetri i sigurisë që konfirmoi Garda e Republikës përreth godinës së Presidencës në vitin 2015, doli në plan të dytë kur arkitekti italian Stefano Boeri planifikoi ngritjen e një kulle 13 katëshe, (4 kate nën tokë, 9 kate e lartë).
Lapsi.al mësoi se në vitin 2015, ishte Dhurata Meksi që iu drejtua me një kërkesë për informim gardës së Republikës në lidhje me një ndërtim të mundshëm në hapësirën që shërben për parkim pas Presidencës. Prona private kap një hapësirë prej 1788 metra katrorë dhe kulla është planifikuar nga arkitekti italian, i njohur për miqësinë e tij me kryeministrin Rama.
Tre grataçiela të reja në Tiranë. Marco Boeri dhe Casamonti marrin firmën e Ramës
Konfirmimi se kulla cënon perimetrin e sigurisë të Presidencës erdhi në dokumentin e Gardës së Republikës të siguruar nga Lapsi.al. Në përgjigjen e gardës thuhej se “Pas shqyrtimit të kërkesës nga ana jonë u kontrollua shkresa me nr.21902 prot, datë 4.9.2012 e Gardës së Republikës drejtuar Sekretarit të Përgjithshëm të Presidencës në të cilën thuhet se nga ana e Akademisë së Arteve, Klinikës Qeveritare dhe ish Klinikës Qeveritare për shkak të sigurisë së objektit të Presidencës duhet të sigurojë një zonë sigurie të lirë me largësi nga muri rrethues 50 m”.
Ky dokument nuk ishte e vetmja pengesë që Edi Rama të hidhte firmën për lejen e ndërtimit në mbledhjen e Këshillit Kombëtar të Territorit.
Rama nuk mori parasysh as një vendim tjetër të paraardhësit të tij, Pandeli Majko, që në Këshillin Kombëtar të Territorit kishte firmosur krejt të kundërtën.
Në vitin 1999, për një projekt të ngjashëm që kishte marrë leje në Bashkinë e Tiranës, kryeministri i atëhershëm, Pandeli Majko kishte vendosur të anullohej.
Përveç emrit të Dhurata Meksit, bashkëshorte e ish kryeministrit Aleksandër Meksi që del në kërkesën për informim drejtuar Gardës së Republikës, të dhënat e tjera janë të pakta.
Kompania që do të ndërtojë kullën është Invest Society shpk. Në projektin e Stefano Boerit, arkitektit të preferuar të Edi Ramës parashikohet që hapësira ku shtrihet godina të jetë 859 metra katrorë për katër katet e parkingut, 705 metra katrorë në një kat për zyra dhe 865 metra katrorë apartamente në tetë katet e tjera.
Në total, në një nga zonat më të shtrenjta në Tiranë do të jenë 3436 metra katrorë parkingje dhe 7465 metra katrorë zyra dhe apartamente.©Lapsi.al
Pak vende te tjera ka per ndertim!? Pse gjithe keto kulla qe na e moren frymen duhet patjeter te ndertohen brenda kesaj zone. Ka shume zona te tjera ku mund te zhvillohen si bulevardi i ri etj. Po zhduket identiteti i Tiranes. Nuk ka me vend ku te kalosh pa te dale kulla perpara. Turp
Pse nuk ndertoni mbi presidence! Ketu ka marre fund cdo gje. Nuk dine ca te shkaterojne me perpara. Futi dhe nje kulle tjeter te kryeministria se ke nje lulishte bosh dhe rregullohet cdo gje.
E mira do ishte qe presidenca te ishte nen kulle .
Praktika e “Toke e Xanun” vazhdon. Pushtetaret kur e ndjejne fundin fillojne e japin (sigurisht kundrejt perfitimrve) cfardo tu dale perpara.
Me shqetesuese eshte arkitektura krejt e pa pranueshme e kesaj godine dhe e nje godine tjeter te ngjashme por me permasa shume me te medha ne sheshin Skenderbe. Jan godina plot me ballkone dhe taraca qe duken bukur ne vizatim por krejt te papershtatshme per qendra qytetesh. Imagjino pasi te ndertohen cfare kakofonie cadrash tendash apo carcafesh te nderur do te shihen nga sheshi apo bulevardi. egziston nje pallat i ketille prapa xhamise (edhe ky i ndertuar ne kohe tymnajash) qe mund te mare pa dyshim cmimin si godina me e shemtuar e Tiranes. Ndertime te tilla rrine shume mire ne rruget apo lagjet e brendeshme te qytetit por kurre ne qender.