Për herë të parë ministrja e Kulturës, Mirela Kumbaro pranoi publikisht se projekti i ri i Teatrit Kombëtar që do të ndërtohet në të njëjtin vend nuk parashikon edhe ndërtimin e një kulle shumëkatëshe.
Në përballjen me një grup artistësh në emisionin “Top Show” në TCH ajo tha se në atë vend ku ndodhet sot godina e Teatrit Kombëtar është menduar të ketë një godinë të re. E pyetur nga regjisori Altin Basha me këmbëngulje nëse godina e Teatrit Kombëtar do të shoqërohet me një kullë, ajo e mohoi.
Kumbaro tha se trupa e Teatrit Kombëtar do të vazhdojë të qëndrojë aty ndërsa salla e re “Turbina” do të jetë në funksion të teatrit. ©LAPSI.al