“Më vinte turp për vdekje dhe kisha frikë, por isha e pafuqishme. Nuk mund të lëvizja, të mbulohesha, të ulërija… Kjo ëndërr më ka përndjekur çdo natë për dekada”. Kështu nis një rrëfim i aktores së famshme Gina Lollobrigida për gazetën “Libero Quotidiano” ku tregon se si në moshën 18-vjeçare u përdhunua nga një futbollist i Lazio.
“Këtë turp e mbajta me vete për vite e vite” – thotë aktorja që sot numëron 90 vjeç.
Ishte viti 1945 dhe Gina Lollobrigida ishte një studente për aktore në Akademinë e Arteve të Bukura. Rrëfimi i saj është i mbushur plot me dhimbje dhe detaje për atë episod që ka shënjuar jetën e saj pavarësisht se më pas u bë një ikonë e kinematografisë italiane për bukurinë dhe talentin e saj.
Në rrëfimin e saj ajo tregon lidhjen me futbollistin pa e përmendur emrin e tij. Përdhunimi ka ndodhur pas ndarjes së tyre kur ai ishte i fejuar me dikë tjetër dhe kjo e dashuruar me një tjetër person. Ai e ftoi në një festë që nuk ekzistonte dhe ku nuk kishte të ftuar të tjerë.
“Këtë turp e mbajta me vete si një çantë të rëndë. U ndjeva e shkatërruar dhe për këtë u martova menjëherë me atë që u bë burri im për të kaluar këtë traumë, jo për dashuri. Qëndrova e turbulluar për shumë ditë. Pak e nga pak arrita të kuptoja tamam çfarë më kishte ndodhur, megjithëse përdhunimi ishte një mendim që doja ta largoja. Doja të ecja përpara për të harruar. E takova pas një viti atë person. Aty kuptova dhe ligësinë e tij” – rrëfen aktorja.
Ajo thotë se abuzimet seksuale në botën e kinemasë janë të pranishme. Ajo thotë se në karrierën e saj ka marrë oferta “të pista”, por që i ka refuzuar. ©LAPSI.al