Në 17 shtator u hap në Tiranë shkolla 9-vjeçare “Kosova”. Ai është një ndërtim i ri dhe bashkia e Tiranës e serviri në kronika të njëpasnjëshme televizive derisa ditën e parë të shkollës aty shkoi vetë kryeministri Edi Rama, kryebashkiaku i Tiranës Veliaj dhe mjaft ministra.
Lapsi.al vuri re një gabim në fasadën e shkollës pak ditë para se ajo të inaugurohej. Emri i shkollës ishte shkruar gabim. Ishte shkruar Shkolla 9 vjeçare Kosova, por duhet të shkruhej Shkolla 9-vjeçare “Kosova”. (shiko foton poshtë)
Por befas, ditën e parë të shkollës gabimi ishte ndrequr. (shiko foton poshtë)
Duke iu hedhur një sy komenteve të lajmit të parë kishte edhe nga ata që e quanin këtë diçka periferike dhe një rast për të kritikuar si qëllim në vetvete.
Së pari, gabimi drejtshkrimor në fasadën e një shkolle nuk mund të kalojë si të ishte një koment në Twitter apo Facebook.
Së dyti, nëse tolerohet gabimi i parë në një institucion kaq të rëndësishëm, e kaluara ka treguar se ai më pas kthehet në një normë.
Së fundmi, nëse dikush ka reflektuar tregon se vërejtja nuk ka qenë kaq e parëndësishme. ©LAPSI.al
gazetarë leshi, a e shikoni qe fotot e ndryshme jane ne dy fasada te ndryshme te godines????