Floyd Mayweather ka pranuar sfidën e Khabib Nurmagomedov, kampionit të UFC, duke u vënë në qendër të duelit të të pathyeshëmve, ashtu si bëri pak kohë më parë pikërisht ndaj Conor McGregor.
Boksieri amerikan, që u rikthye për të mundur irlandezin vitin e kaluar, është sfiduar nga rusi me provokim.
Mayweather, 41 vjecar, është përgjigjur në mënyrën e tij karakteristike: duke i kërkuar kompanive që e mbështesin atë të fusin duart në xhep e ta bëjnë ndeshjen të ndodhë.
Në Twitter, kampioni i 50 fitoreve pa asnjë humbje, shkruajti: “CBS, Showtime dhe MGM Grand bëni gati cekun.
“Shko tek faqja @leonardellerbe për të parë sfidën e Khabib Nurmagomedov për mua.”
30 vjecari Khabib, e kërkoi duelin me amerikanin për të vendosur kampionin e padiskutueshëm të peshave të lehta, duke qenë se edhe vetë ka rekordin e 27 fitoreve pa asnjë humbje.
CBS, Showtime and MGM Grand get the checkbook out!
Go to @leonardellerbe ‘s page to view Khabib Nurmagomedov challenging me.#CBS#SHOWTIME #MGMGRAND#MayweatherPromotions pic.twitter.com/6OtiDhtbNx— Floyd Mayweather (@FloydMayweather) October 15, 2018