Mund të mos jetë një Real Madrid fitues në fushë, në këtë pjesë të sezonit, por Florentino Perez ka shumë motive për të buzëqeshur. Ashtu si e kishte paraprirë presidenti përpara ortakëve, e sipas asaj që bën të ditur gazeta spanjolle “Marca”, klubi kampion bote ka përmbyllur akordin e ri me Adidas, për rinovimin e sponsorizimit teknik.
Multinacionalia me tre vija vesh merengues që nga 1998 e tani për të zgjatur bashkëpunimin deri në 2030, në skadencë në 2020, do të paguajë shifrën rekord prej një miliard e 100 milionë euro, praktikisht 110 milionë euro në vit.
Në këtë mënyrë, Real dyfishon shifrën që përfiton aktualisht, 52 milionë euro në vit dhe fanella e tij do të bëhet më e shtrenjta në botë, duke kaluar edhe vendin e parë që aktualisht mbahet nga Manchester United me 85 milionë në vit gjithnjë me Adidas, ndërsa Barcellona përfiton 83 nga Nike.