Përgjatë intervistës së tij të fundit për “Vogue”, Justin Bieber rrëfeu publikisht për herë të parë se po përballej me një gjendje jo të mirë emocionale.
Këngëtari i shumë hiteve, pranoi se fama ka ndikuar negativisht tek ai duke u shprehur: “Përfundova duke bërë gjëra për të cilat më vinte turp t’i bëja, u bëra i pamoralshëm dhe kam përdorur Xanax sepse më vinte turp nga vetja.”
Sikurse u raportua më pas në mediat e huaja, Justin në mënyrë të vazhdueshme ndjek seanca terapie për sëmundjen e depresionit. Së fundmi, ai ka reaguar përmes një postimi në llogarinë e tij Instagram, ku ka folur më detajisht për situatën që po kalon, dhe madje i ka kërkuar ndjekësve të tij të luten për të.