Sherri në transmetim direkt pas Inter-Juventus, ka tashmë serinë e dytë, që duket më pikante se e para. Kundërpërgjigja e Adanit është e stilit të mbrojtësit, pa lojërta fjalësh. Cështja vazhdon e tonet mbeten të larta, duke ndarë madje edhe publikun në dy tifozeri. Adani, opinionisti i vlerësuar për kompetencën e tij në koment ka përfituar për të dhënë goditjen e tij në Radio Deejay, duke iu përgjigjur sulmit të teknikut të Juventus e akuzave për paaftësi: “Me trajnerin e Juves – ka saktësuar Adani – argumenti nuk mund të ishte vetëm barazimi me Inter 1-1, por dicka më e thelluar, si ndeshja me Ajax e ecuria në Champions. Nëse dikush pastaj flet në një mënyrë e do të flasë vetëm ai, faji nuk është i askujt, por duhet të kesh një argument e një kundërargument, që pastaj ta spostosh bisedën ku mendon më mirë se mundesh. Kur del nga një ndeshje e dyfishtë si ajo me Ajax e mendimi që ke është se në ndeshjen e parë duhet ti ndëshkojë mbrojtësit me të verdhë e të fitosh penallti, pastaj në kthim të thuash se ndeshjet e mëdha i fitojnë lojtarët e mëdhenj, kur Ajax ka 1/10 e forcës tënde, nuk më duken argumente për të justifikuar ecurinë tënde…”
Kështu, një replikë e ulët në tone, por jo në përmbajtje. Adani, nuk pranon kurrësesi akuzat për inkompetencë: “Nuk është e thënë që një analist si unë duhet të bëjë patjetër trajnerin, sepse unë kam zgjedhur një tjetër rrugë, një trajner në fakt duhet të jetë një analist i madh. E tek Juventus nuk është kërkuar të fitojnë kampionatin, nuk merret Ronaldo për të mundur Chievo, por për tu imponuar në Europë. Allegri ishte i paedukatë dhe arrogant. Por të thuash nuk mund të flas sepse nuk kam fituar kampionate është mungesë respekti për të gjithë, edhe ndaj atyre që blejnë abonimet dhe bëjnë tifo…”.