• |
ide | kryesore

Video/ Bayern Munchen fitues i Kupës: dy trofe për Kovac, që shkatërroi Lejpzig

Sport, Video

I kontestuar në pjesën më të madhe të sezonit, e ndoshta edhe me karrierën të mbyllur në pankinën e Bayern Munchen, Niko Kovac e ka çuar vitin e tij të parë në “Allianz Arena” me dy trofe të fituar: pas titullit në Bundesliga, vjen edhe trofeu i Kupës së Gjermanisë, DFB-Pokal, duke shkatërruar 3-0 në finale Red Bull Lejpzig.

Rikthehen fitues të Kupës bavarezët që nga sezoni 2015/16, duke ngritur lart për herë të 19 në histori trofeun. Ndeshja u bë e thjeshtë për formacionin e teknikut kroat, pas golit të shënuar nga Robert Lewandowski në minutën e 29 të ndeshjes. Polaku nuk humbet mundësinë e krijuar në sugjerimin e David Alaba.

Lejpzig nuk arrin të kundërpërgjigjet, sidomos në pjesën e dytë kur Bayern bëhet më imponues dhe siguron rezultatin me Kingsley Coman në minutën e 78’, përpara se Lewandowski të vulosë trisin në minutën e 85’. Bayern është dukshëm padron në Gjermani edhe statistikisht: ky është trofeu i 19 për bavarezët, që janë të parivalizueshëm, mjafton të përmendësh që ndjekësin më i afërt në DFB-Pokal është Werder Bremeni, me gjashtë trofe.

Vetëm pak ditë më parë, Bayern u shpall edhe kampion i Bundesligës për të shtatën herë radhazi, duke fituar dualitetin me Borussia Dortmund, por rivaliteti i treguar këtë sezon nga verdhezinjtë është premtues për të ardhmen, ku edhe me merkaton që po bën Dortmund tregon se gjërat në Bundesligë nuk do të jenë më kaq të thjeshta.

Lini një Përgjigje

Adresa juaj email s’do të bëhet publike.

Kthehu