Komisioni Kuvendor i Maqedonisë së Veriut ka votuar pro heqjes së mandatit të ish-kryeministrit Nikola Gruevski, i cili ka fituar azil politik në Hungari pasi u dënua për korrupsion.
Pjesa më e madhe e anëtarëve ishin të pranishëm në Komision. Seanca u udhëhoq nga nënkryetarja Snezhana Kalesa Vançeva. Anëtarë e Komisionit me 5 vota pro dhe asnjë kundër, i propozuan Kuvendit që t’i merret mandati i deputetit, Nikola Gruevskit.
Në seancën e radhës plenare të Kuvendit të Maqedonis së Veriut do të votohet për mandatin e deputetit të Gruevskit. Për heqjen e mandatit ndaj ish-kryeministrit duhen 2/3 e votave të parlamentit.