Nasser Al-Khelaifi paralajmëron Paris Saint Germain, sezonin e ardhshëm duhet të ndryshojnë shumë gjëra: “Lojtarët duhet të marrin përgjegjësitë e tyre, nuk janë këtu për tu zbavitur por për të punuar më shumë. Nuk do të pranoj sjellje prej superstari. E nëse dikush nuk është dakord, dyert janë të hapura: lamtumirë!”. Presidenti parisien, edhe pse pa përmendur ndonjë në vecanti, duket se i referohet Neymar sidomos në pjesën kur flet për sjellje të ekzagjeruara.
Thirrja e Al-Khelaifi me shumë mundësi duhet parë në optikën Champions League ku prej shumë kohësh, pritshmëritë e mëdha, të lindura nga investimet e mëdha, kanë qenë zhgënjyese. Ndoshta zgjedhja për të lënë të lirë para kohe Antero Henrique për Leonardo i takon këtij këndvështrimi: “E kuptova se duhej ndryshuar dicka, përndryshe nuk do të shkonim askund. Leo do të ketë fuqi të plota, kam besim tek ai” ka thënë Al Khelaifi për France Football.