Futbolli është i cuditshëm. Mund të jesh lojtar i madh, por në të njëjtën kohë të krijosh edhe… probleme të mëdha. E mund të jetë rasti i Fenomenit. Ronaldo (ai braziliani) në karrierë në nivel kombëtar ka fituar pak, në krahasim me rëndësinë e tij në historinë e futbollit. Me Brazilin nxorri shkëndija, në kupat europiane u mbrojt mirë, edhe pse nuk coi kurrë në shtëpi një Champions League, por kur flitet për kampionate ka fituar vetëm një, atë me Real 2002/03. E Fabio Capello shpjegon se për Blancos… ishte një problem.
Tekniku friulan, duke folur për Sky Sport, është kthyer të flasë për eksperiencën e dytë në Madrid, atë në të cilën fti e kryqëzoi me Ronaldon. Në mes të sezonit, braziliani u largua nga Real për tu transferuar tek Milan, duke humbur kështu rastin për të vënë në palmares një tjetër Liga. E Don Fabio tregon se, edhe pse ishte lojtari më i mirë që ka patur në dispozicion, braziliani i krijoi shumë probleme. “Ronaldo ka qenë talenti më i madh që kam stërvitur ndonjëherë, por me raste ishte edhe ai që më krijoi më shumë probleme në dhomat e zhveshjes. Bënte festa vazhdimisht, një herë Van Nistelrooy më tha ‘mister, por këtu në dhomat e zhveshjes qelbet erë alkol’”.
Një talent problematik ai i Ronaldos, që u largua nga Madrid pikërisht në atë sezon e pikërisht për shkak të Capellos e hollandezit. Tekniku kërkoi sulmuesin e Manchester United, që do të thoshte më pak hapësirë për Fenomenin. Që vendosi të largohet. Një zgjedhje që, paradoksalisht, i vuri krahë Blancos, si shpjegon tekniku. “Kur iku tek Milan filluam të fitonim”. Kjo nuk do të thotë se braziliani nuk ishte një kampion. “Por nëse flasim për talent, ishte natyrisht më i madhi”.