Mauro Icardi është zyrtarisht një lojtar i ri i Psg. Shoqëria franceze ka vendosur të ushtrojë të drejtën e blerjes për sulmuesin argjentinas pas huazimit në këtë sezon. Kështu, pas ditësh pritje ka ardhur edhe zyrtarizimi. Pjesa kryesore e punës u krye të premten, me detajet e fundit që kanë shtruar rrugën për qendrimin e argjentinasit në Paris. Për zikaltrit 50 milionë euro plùs tetë bonus, plus 15 milionë më shumë nëse Psg vendos ta rishesë në Itali brenda 12 muajsh.
Verën e kaluar dy klubet kishin rënë dakord për të drejtën e blerjes në shifrat e 70 milionë euro, por në fund ka ardhur edhe ulja me rreth 10 milionë, duke qenë se 8 bonus janë lehtësisht të arritshme (të lidhura me një numër të ulët golash të shënuar apo prezencë në Champions).
E reja e vërtetë e operacionit, që ka patur Gabriele Giuffrida si ndërmjetës, është përfshirja e të ashtuquajturës klauzola anti-Juve, për të cilën flitej prej kohësh. Bardhezinjtë e kanë vlerësuar gjithnjë Icardin e Inter kërkon të evitojë që Psg të blejë lojtarin për ta kaluar menjëherë tek një rivale italiane: në rast se kjo mundësi merkato ndodh brenda 12 muajsh, zikaltrit do të përfitojnë 15 milionë euro shtesë.
KOMUNIKATA E INTER
FC Internazionale Milano komunikon shitjen e Mauro Icardi tek Paris Saint-Germain FC: Sulmuesi i datëlindjes 1993 do të transferohet me titull përfundimtar në klubin francez. Klubi falenderon lojtarin për 6 sezonet e kaluara bashkë dhe i uron më të mirën në vazhdim të karrierës së tij profesionale.
Mauro Icardi s'engage au Paris Saint-Germain jusqu'au 30 juin 2024.
Le Paris Saint-Germain est heureux d’annoncer la levée de l’option d’achat de @MauroIcardi. L’attaquant de 27 ans était prêté en 2019-2020 par l’Inter Milan.
— Paris Saint-Germain (@PSG_inside) May 31, 2020