Dilan Çiçek Deniz është bërë shumë e njohur në Shqipëri e në botë me rolin e saj në serialin “Çukur” dhe tanimë fama e saj edhe është vlerësuar.
Aktorja 25-vjeçare është renditur e para në listën e IMDb, një uebsajt mbi informacionet që lidhen me filmat e serialet. Dilan Çiçek Deniz ka lënë pas edhe aktore të mëdha si Tuba Buyukustun apo Ayça Aysin Turan dhe Hande Erçel. Në listën e aktorëve më të kërkuar në vendin e dytë është Metin Akdulger, në vend të tretë Can Yaman, në vend të katërt Ayça Aysin Turan dhe në vend të pestë Tuba Buyukustun. Kujtojmë që Dilan Çiçek Deniz e cila u rendit e para në këtë listë u bë shumë e famshme edhe me pjesëmarrjen e saj në filmin suedez “How to stop a wedding”.