Në tabliodët angleze është përfolur së fundmi se mund të shihnim jetën e Princ Harry dhe Meghan të pasqyruar në ekran për 3 muaj me radhë.
Sipas raportimeve thuhej se ata kishin nënshkruar një kontratë prej 112 milionë paund me Netflix dhe se do të tregonin të gjithë jetën e tyre në formën e një reality show si Keeping Up With The Kardashians.Mirëpo Meghan dhe Harry kanë vendosur të thyejnë heshtjen dhe të tregojnë si qëndron e vërteta. Ata i kanë mohuar të gjitha lajmet dhe kanë thënë se nuk kanë nënshkruar asnjë marrëveshje.“Duka dhe Dukesha nuk do të marrin pjesë në asnjë spektakël televiziv”, ka thënë një zëdhënes i çiftit.Sipas spekulimeve të para thuhej se produkti që do të prodhonin Meghan dhe Harry nuk do të ishte i ngjashëm me të tjerët, sepse ata do të fokusoheshin më tepër në punët e tyre të bamirësisë.