“Porta 5 centimetra më e vogël? Ishte 4 më e ulët, por gjithësesi brenda normave” Ernest Gjoka, trajneri i Shkëndijës së Tetovës kthehet të flasë për episodin më kurjoz të përballjes me Tottenham, në raundin e tretë të Europa League, të fituar nga londinezët 1-3, por me Jose Mourinho që e bëri cështje këtë situatë, duke e postuar foton e tij poshtë traversës me dorën lart, si dëshmi të dredhisë së shqiptaro-maqedonasve.
Tani Gjoka kërkon ta sqarojëm se nuk bëhet fjalë për hile, sepse ndeshja u luajt me po të njëjtat porta: “Kur portierët e Spurs Lloris e Hart shkuan për nxemje pashë që floën menjëherë me Mourinhon ku i thanë se porta ishte më e ulët. Erdhi delegati i ndeshjes i thirrur nga portugezi dhe morën metrin dhe e matën, doli 4 cm më e ulët, por brenda normave për të zhvilluar një ndeshje futbolli. U luajt po me ato porta, por ne këtu nuk hyjmë fare sepse ne stadiumin e kishim marrë me qera, si bëjmë gjithnjë kur luajmë në Europë” përfundoi tekniku i Shkëndijës së Tetovës në një prononcim për RTSH Sport.
Mourinho e ka befasuar teknikun, jo shumë për gjenialitetin e trainingut, sa për thjeshtësinë e respektin e treguar. Në fund kanë ardhur edhe kompliementat, me një konstatim interesant, të treguar nga vetë Gjoka: “Më bëri përshtypje cfarë njeriu i thjeshtë e i respektuar ishte Mou. Më bëri komplimenta dhe më tha, fati juaj i keq që ju dolëm ne përballë, me cdo kundërshtar tjetër, një skuadër simpatike si e juaja mund të ishte kualifikuar”.
Në fund edhe një batutë për diferencat gjigante mes dy skuadrave, si për të përlidhur atë humbje 1-3, por që pas barazimit provizor të Nafiut e detyroi Special One të fuste në fushë Kane, Moura e Lo Celso: “A mund të bënim më shumë? Unë futa në fushë një 19 vjecar që paguhet 400 euro në muaj, ai futi tre lojtarë që kushtojnë 200 milionë euro”.