• |
ide | kryesore

Ngricat shkaktojnë probleme në qarkun e Dibrës, mungesë energjie elektrike dhe uji të pijshëm

-Instant, Lajme, Të fundit

Banorët e Njësisë Administrative të Kalasë së Dodës prej një jave ankohen se mungon energjia elektrike dhe uji i pijshëm pasi temperaturat kanë shënuar minus -12°.


Po kështu dhe Njësia Zall Dardhë në Bashkinë e Dibrës ka probleme me ujin e pijshëm dhe me mungesën e energjisë elektrike. Sipas banorëve, lartësia e borës arrin në 20cm dhe rrugët e fshatrave janë komplet të bllokuara nga prezenca e akullit në rrugë.


Nuk lëvizin dot fugonat e fshatrave drejt qendrave të banuara, po boshatisen dhe dyqanet e fshatrave dhe s’kanë mundësi furnizimi me miell dhe ushqime të tjera, siç thonë banorët.

Disa fshatra të thella në qarkun e Dibrës janë të izoluar që kur kanë vazhduar reshjet e dëborës. Banorët bëjnë apel për ndihmë instancave përkatëse.

Lini një Përgjigje

Adresa juaj email s’do të bëhet publike.

Kthehu