Fundosja – vetëm momentale, të paktën sipas Florentino Perez – e Super League u përjetua si një fitore nga Uefa, në ditët e fundit shumë aktive me deklaratat e presidentit Aleksander Ceferin. Por tani, tonet triumfale të numrit 1 të futbollit evropian ka të ngjarë të lënë të pa kënaqur shumicën e tifozëve, ashtu si ishte në rastin e idesë së turneut të ri: në rrjetet sociale është kthyer në tendencë nga e premtja, sidomos në Itali e Spanjë, hashtagu #CeferinOut.
Pika që derdhi gotën ishte paralajmërimi për katër skuadrat që ende janë të lidhura me Super League, përkatësisht Real Madrid, Barcelona, Juventus dhe Milan: “Kushdo që është në Super League do të qëndrojë jashtë Uefa. E drejtuesit mund të kenë pasoja”. Nuk është rastësi që mbrëmë hashtag ishte ndër 5 tendencat më të mira në botë. Tifozët nuk duan një garë të “mbyllur” siç u duk Super League, por në të njëjtën kohë ata ndiejnë nevojën për reformën e futbollit, duke përqafuar disa nga kundërshtimet që 12 klubet rebele kanë sjellë në tryezë.
Kjo protestë kundër Ceferin ka çuar gjithashtu në një lloj “binjakëzimi shoqëror” midis tifozëve të Realit dhe Juventus, dy skuadrat në krye të Super League dhe, në fakt, më të sulmuarit nga Ceferin duke parë edhe deklaratat kundër Perez dhe Agnellit.