Këngëtarja Beyonce ka zgjedhur së fundmi të vijë me një letër kushtuar fansave të saj.
Përmes rrjetit të saj social, Beyonce ka zbuluar se para pak ditësh mbushi 40 vjec dhe ka treguar se më në fund po shijon frytet e punës së saj.”Sa më e pjekur të bëhem, aq më shumë kuptoj dhe aq më thellë rritet gëzimi im. Ekziston një liri dhe çlirim duke e ditur se kam arritur në anën tjetër të sakrificës sime. Më në fund po i jap vetes leje të shijoj farat që kam punuar aq shumë për të mbjellë gjithë jetën time”, rrëfeu këngëtarja. Më pas ajo ka falenderuar të gjithë fansat e saj dhe ka shprehur mirënjohje për mbështetjen e tyre të vazhdueshme.”Unë jam shumë mirënjohëse që jam rritur. Kushdo që u përpoq të kushtëzonte që gratë të ndihen të moshuara ose të pakënaqura kur mbushin 40-vjeçe, e kanë gabim. Kjo ka qenë absolutisht koha më e mirë që kam ndjerë në jetën time. Ky është viti i parë që unë e kuptoj vërtet se çfarë do të thotë të jesh gjallë dhe të jetosh në këtë moment. Është hera e parë që kam një kuptim se sa e brishtë është vërtet jeta, sa e vështirë mund të jetë jeta ndonjëherë dhe për këtë arsye sa e rëndësishme është të ndalesh dhe të nuhasësh trëndafilat në kohë të mira. Mendova se e dija në 21 ose 30-vjeçe … por nuk e dija. Unë jam mirënjohëse për të gjithë fansat. Shumica prej jush më takuan kur isha 15-vjeçe dhe ne jemi rritur së bashku. Ju sillni shumë gëzim në jetën time. Shpresoj që arti im të vazhdojë të sjellë pak gëzim në jetën tuaj. Jua dua pafund!”, përfundoi letrën e saj. Gjithashtu ,Beyonce tregoi se së bashku me Jay Z do të dhurojnë kontribute në pesë kolegje dhe universitete për njerëzit me ngjyrë
