“Kapiteni Kirk” do të shkoi në hapësirë javën e ardhshme, duke shkuar me guxim atje ku nuk kanë shkuar yje të tjerë të artit.
Kompania e udhëtimit në hapësirë të Jeff Bezos, Blue Origin, njoftoi të hënën se aktori i “Star Trek” William Shatner do të niset nga Teksasi perëndimor më 12 tetor. “Po është e vërtetë. Do të jem një ‘njeri raketë!”, shkroi 90-vjeçari në Twitter.
“Asnjëherë nuk është vonë për të përjetuar gjëra të reja”, shtoi tutje ai.
Bezos, themeluesi i Amazon, është një tifoz i madh i serisë shkencore. Kompania e tij e raketave ftoi Shatner të fluturonte si mysafir i saj.
Shatner do të bëhet personi më i vjetër që ka shkuar në hapësirë. Ai do të bashkohet me tre të tjerë – dy prej të cilëve paguajnë klientë – në bordin e një kapsule Blue Origin.
Ai do të përfundojë si aktori i dytë që arrin hapësirën këtë muaj, Rusia do të nisë një aktore dhe një regjisore filmi në Stacionin Ndërkombëtar të Hapësirës të martën për gati dy javë xhirime filmash.
Fluturimi i Shatner, për krahasim, do të zgjasë vetëm 10 minuta dhe nuk do të arrijë më shumë se 106 kilometra. Kapsula do të hidhet me parashutë në dyshemenë e shkretëtirës, jo shumë larg nga vendi ku u ngrit.