Një aksident i rëndë ka ndodhur në vendin e quajtur “4 rrugët e Shijakut” mbrëmjen e kësaj të enjteje. 2 automjete janë përplasur me njëri – tjetrin për shkak të shpejtësisë. Raportohet se janë lënduar 8 persona, por pa rrezik për jetën.
“Me datë 28.10.2021, rreth orës 20:00, në Shijak, mjeti tip “Benz”, me drejtues shtetasin D. K., është përplasur me një motomjet me rimorkio.
Si pasojë e përplasjes janë lënduar 8 shtetas që ndodheshin në rimorkio, të cilët ndodhen nën kujdesin e mjekëve jashtë rrezikut për jetën.
Drejtuesi i mjetit shtetasi D. K., është shoqëruar në ambientet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të aksidentit” – raporton policia.