Kryetari i Forumit Rinor të Partisë Demokratike Belind Këlliçi e ka konsideruar nul vendimin e kreut të kësaj partie Lulzim Basha për të zhvilluar zgjedhje brenda kësaj strukture sipas parimit “1 anëtar, 1 votë”.
Në një deklaratë për mediat pas mbledhjes së kryesisë së FRPD-së, Këlliçi tha se ky proces zgjedhjesh që pritet të zhvillohen është totalisht kundër statutit dhe synon uzurpimin e FRPD-së nga Basha. Sipas Këlliçit, kryesia e FRPD-së ka votuar në mënyrë unanime kundër vendimit të marrë nga Basha.
“Vendimi ynë që do t’ju bëhet dhe ju me dije është 100% kundër. Ne kemi detyrim statutor për të bërë më të mirën për të pasur një strukturë të re. Çdo shtëpi ka themelet e saj dhe unë jam krenar për demokracinë tonë të brendshme.
Në forumin rinor ka përplasje idesh, ka debate, por këtë proces nuk e njohim. Ne kemi persona në FRPD që janë diplomuar në 10 universitetet më të mira në botë dhe publiku nuk i njeh. Ky nuk është momenti për të uzurpuar institucionet,”– tha Këlliçi.
Edhe sekretari i Përgjithshëm i FRPD-së, Grigels Mucollari i bëri thirrje Bashës të tërheqë menjëherë këtë vendim. Sipas tyre është kryesia e FRPD-së që i thërret zgjedhjet dhe jo kryetari i partisë.
Më herët ishte zyra e shtypit të PD-së që njoftoi se FRPD ka nisur procesin e riorganizimit dhe zgjedhjeve në të gjitha strukturat të cilave u ka mbaruar mandati në 2019-ën.
Basha gaboi me berishen. Ne i tham vrite ai vetem sa e plagosi.
koken hongshi mer malok
A te kishte mbaruar mandati me kohe? Epo shko nete….