• |
ide | kryesore

FOTO/ Infarkt tifozit në stadium, Watford e Chelsea refuzuan të luanin për 20 minuta

-Instant, Sport

Një tifoz është ndjerë keq në stadiu, i goditur nga infarkti dhe situata ka rënë në sytë e futbollistëve të Watford e Chelsea, që po luanin për javën e 14 të Premier League. Lojtarët e dy skuadrave, duke parë gjendjen e vështirë të tifozit, kanë ndërprerë takimin në minutën e 11. Për rreth 20 minuta tifozit iu dha asistencë mjekësore, përfshirë edhe masazhin kardiak, derisa u stabilizua gjendja për ta transportuar me ambulancë drejt spitalit.



Në stadiumin “Vicarage Road”, sapo stafet mjekësore të dy skuadrave vrapuan me shpejtësi për të ndihmuar tifozin e goditur nga infarkti, lojtarët u futën në dhomat e zhveshjeve dhe nuk pranuan të dilnin as në nxemje pa qenë të sigurt se tifozi në fjalë ishte në gjendje më të mirë shëndetësore. E deri në këtë moment, ndeshja mbeti e ndërprerë për të rinisur më pas sfidën mes Watford e Chelsea, aty ku e kishin lënë me rezultatin 0-0.

Lini një Përgjigje

Adresa juaj email s’do të bëhet publike.

Kthehu