Dokumentari i Netflix për Georgina Rodriguez, partneren e Cristiano Ronaldos, është i destinuar të bëjë shumë zhurmë. Mjaftuan disa sekuenca për të krijuar pritshmëritë e mëdha rreth historisë së gruas që rrëmbeu zemrë e pesë herë Topit të Artë. Shumë mezi presin të mësojnë prapaskenat dhe të kuptojnë sesi një vajzë që punonte si shitëse ndryshoi totalisht jetën e saj kur filloi të dilte me një nga futbollistët më të pasur dhe më të famshëm të të gjitha kohërave. Dhe nga skenat e para, të shikuara dhe të raportuara nga AS, kuptohet se historia është e destinuar të tregohet si më klasikja e përrallave, në të cilën një … princ portugez shndërron një vajzë argjentinase në një mbretëreshë.
DARKA – “Momenti më i veçantë ishte një e shtunë. Doja shumë ta shihja dhe të rrija me të, por nuk doja t’i shkruaja. Më shkroi ai pas ndeshjes dhe nuk i thashë se isha gati, por që isha ulur në shtëpi dhe po bëhesha gati të flija. Më tha ‘dëshiron të darkosh?’ e unë i thashë po, edhe pse kisha ngrënë tashmë. Erdhi të më merrte në shtëpi dhe shkuam tek ai. Kishte pure, perimet e tij dhe pulë. Kështu që darkova përsëri, si një zonjë e vërtetë”. Kolegët te Gucci sigurisht që e kishin të vështirë ta besonin: “Cristiano më merrte kur mbaroja punën, ndonjëherë vinte me Bugattin e tij. Kolegët e mi nuk mund ta besonin, mbërrija në punë me autobus dhe ikja me Bugatti…”. Në fund të fundit, të jesh partnere e futbollistit më të famshëm në botë duhet të ketë edhe anët e veta pozitive, apo jo?
