Mediat e huaja kanë raportuar së fundmi se marrëdhënia mes Princ Charles dhe vëllait të tij, Andrew është përkeqësuar pas akuzave për abuzim seksual.
Disa burime pranë familjes mbretërore kanë treguar se Charles e ka dëbuar vëllain e tij nga Kështjella Windsor. “Ai është paralajmëruar të mbajë kokën ulur. Charles nuk dëshiron që Andrew të fotografohet çdo ditë tjetër duke u dukur i lumtur dhe duke përshëndetur ndërsa ai po çohet në kështjellë. Përfundimisht Andrew do të detyrohet të largohet nga Windsor dhe mund të marrë disa milionë paund nga Familja Mbretërore”, u shpreh burimi. Gjithashtu, sipas tyre thuhet se Charles mendon se vëllai i tij e mashtroi për skandalin rreth Jeffrey Epstein dhe viktimës së trafikimit seksual Virginia Giuffre.