Mediat kanë publikuar fotografi të rrënojave të shkatërrimit të avionit më të madh në botë i cili u dogj gjatë një sulmi rus në një aeroport ukrainas.
Imazhet tregojnë “Antonov-225 Mriya” të shkatërruar në aeroportin Hostomel pranë Kievit i cili u sulmua të dielën e kaluar.
Avioni i ngarkesave të mëdha kishte 6 motorë dhe peshonte 314 ton. Ai kushton më shumë se 3 miliardë dollarë për t’u riparuar, një shumë që prodhuesi shtetëror ukrainas i armëve Ukroboronprom tha se do të përpiqet të bëjë që ta paguajë Rusia.
Pushtuesit rusë shkatërruan kështu krenarinë e aviacionit ukrainas. Avioni legjendar u projektua fillimisht nga Bashkimi Sovjetik kur kontrollonte Ukrainën si një republikë socialiste.
Antonov An-225 Mriya është projektuar dhe ndërtuar në Ukrainë në vitet 1980 nga Korporata Antonov.
Ai është 84 metra i gjatë, me një hapje krahësh në 88 metra – pothuajse dy herë sa gjerësia e një fushe tradicionale futbolli.
Ai është në gjendje të mbajë një ngarkesë të barabartë me 10 tanke luftarake. Në një deklaratë nga zyra e Presidentit ukrainas thuhet se vendi “do ta rindërtojë avionin”.
“Ne do të përmbushim ëndrrën tonë për një Ukrainë të fortë, të lirë dhe demokratike” – thuhet në deklaratë. ©LAPSI.al
EDHE PER COPAT E HEKURIT PO JU VJEN KEQ?
Po ty per ca te vjen keq? Per copat e hekurit jo, per femijet jo, atehere per cfare?