Mediat e huaja kanë raportuar së fundmi se Chris Rock do të emërohet mikpritësi i Oscars të vitit të ardhshëm.
Presidenti i ABC i Entertainment, Craig Erich tha për Deadline të martën se ai është i hapur që Rock, 57 vjeç, të drejtojë shfaqjen e ardhshme të çmimeve. Erich u shpreh gjithashtu se shfaqja e vitit të ardhshëm, e cila do të mbahet në mars, do të jetë “edhe më e mirë”.
Ekzekutivi i transmetimit rrëfeu se ishte i kënaqur me vlerësimet për këtë vit, por vendimi për të pasur mikpritës komedianin herën tjetër ka të ngjarë të rrisë edhe më shumë shikueshmërinë.
“Natyrisht që kishte shumë polemika rreth transmetimit të këtij viti, të cilat lanë në hije shumë gjëra pozitive rreth shfaqjes, por unë isha vërtet i kënaqur me programin,” deklaroi Craig. “Ishte rikthimi më i madh i çdo shfaqjeje çmimesh këtë sezon.”
Vlerësimet për transmetimin e këtij viti u rritën me 58%, me një mesatare prej 16.6 milionë shikuesish. Në krahasim, 9.8 milionë amerikanë e panë shfaqjen e vitit 2021.
Shumë njerëz u bashkuan me ceremoninë pasi Smith hyri në skenë dhe e goditi Rock-un në fytyrë. Situata u shkaktuanga një G.I. Jane shaka që Chris bëri për Jada Pinkett Smith, e cila vuan nga gjendja e rënies së flokëve, alopecia.
Rock nuk i është përgjigjur lajmit dhe ka mbajtur një profil relativisht të ulët pas sulmit në skenë të Will
Megjithatë, ai iu referua shuplakës gjatë një paraqitjeje në Royal Albert Hall në Londër të enjten e kaluar mbrëma, duke bërë shaka: “Unë jam mirë, nëse dikush po pyeste. Më është rikthyer dëgjimi”. Fituesi i ‘Oscars’ gjithashtu ka mbajtur një profil të ulët pas shuplakës, mes thashethemeve se ai ende nuk i ka kërkuar falje aktorit.
Megjithatë, ylli i “Men In Black” kërkoi falje publike pas sulmit dhe dha dorëheqjen nga Akademia e Arteve dhe Shkencave të Filmit pas zhurmës për veprimet e tij.Akademia më vonë njoftoi se ata do e ndalonin nga të gjitha ngjarjet e tyre për 10 vitet e ardhshme./Lapsi.al
